صباح النشاط والسهر

الزمان:9:9 صباحا
المكان: أول الدنيا.. وين ما تشرق الشمس..

اكتب و امسح.. يا ترى ليش ..؟؟

أكتب لنفسي .. لي فقط .. ليش امسح يا ترى..
هل هي الخصوصيه اني ما احب احد يدري بالي فخاطري.. انا مستانسه..
اتخذت خطوه مهمه .. انا ما احقد على احد .. بالعكس قلبي خصوصا هالفتره ما يحمل حقد ولا كره لاي انسان..
انا مستانسه.. لاني اضفت اهم الناس عندي في البلوك ليست .. اعتبره نصر.. برغم حبي الكبير لهم .. بس احيانا نحتاج لهالخطوه عسب نعز عمارنا ..

أيام مرت .. و سنين يا ربي.. تصدقون احس حياتنا مسلسل تركي لوول.. اجزاء و حلقات .. لو اسوي الاحداث الي مرت علي مسلسل, بكسر الدنيا و بصك على ام البنات و سنوات الضياااع..

احلى ما في الموضوع .. عندي واايد اشياء اقولها لعيالي في المستقبل ههه.. الله يعينهم علي اذا عيّزت غصب عنهم لازم يسمعون قصصي..

..