As Princess..

إحساس جميــل بأن تفاجئ بهديه.. بطريقه غير عاديه..!ي

فتحت باب غرفتي صباحا .. لأرى باقة جميله تنتظرني مع علبة "فواله" .. من بنت خالي.. تباركلي بالنجاح..ي

I felt as a real Princess
m

---

بشو تهتمون أكثر.. بالهديه ولا طريقة توصيلها ..؟

صيفنا مميز ..

السلام عليكم .. عدنا من جديد مع صيفنا مميز :d

رحلة اليوم كانت ل مجلة ماجد .. و عقبها اونه المارينا .. بس للأسف ماكان في وقت .. عقب المجله ردينا .. و البنات احتشرو .. و ماشاء الله عليهم في الحساب .. كل وحده دفعت 20 درهم عساس الالعاب و الوجبه في المارينا .. و لما قلنالهم ماشي وقت .. كل شوي وحده تيني .. عيل ليش دفعنا ؟ و الي تقول وين فلوسي لوول .. والي تقول انا ما اشتريت شي في المجله ابي بيزاتي لووول.. تحف .. اخليكم مع الصور..

هالبنتين شو حبيتهم.. خصوصا ميثا الي لابسه اخضر اتينن .. و كل شوي اطلع حلويات من الشنطه و توزعهم على البنات .. فديتها ..












هاي عوشه صورتها و هي تقول قصة الذيب.. هاي بعد حبيتها من قلبي اتينن سوالفها ..


تعجبني ابتسامتها ماشاء الله ..





المراعي.. وحدها تفهمنا :p

هاي فوتو جانك بسميها .. هنيه مندمجه تغني طير الحمام اظن لوول..

هنيه صادتني اصورها لوول..

لحظة الوصول .. ماشاء الله منظمين :p


يتطالعون كيف يلونون المجله بالكمبيوتر..


شمسه مادري دانه ..

صوره جماعيه .. بتنحط في مجلة ماجد عقب اسبوعين ان شاء الله ..


لحظة توزيع الهدايا على البنات..

الكل مستانس بالمجله ..

بعد التعب... راحه :p

عطوني افكاركم .. ناويه اطلع صورهم و اوزعها عليهم مع كلمه بسيطه مني.. شو اكتب لهم و كيف اسويها .. يالله يا مس فكره ساعدينا ..

انتي أبله ؟

اليوم كان مميز جدا بالنسبه لي.. دائما كنت اتمنى اكون معلمه .. أو مثل ما يقولون "أبله".. اليوم سرت و سجلت بنت اختي في صيفنا مميز.. لما دخلت الصف ولا فيه 60 طالبه .. صف واحد فيه 60 !! المهم استأذنت المعلمه ايلس لين آخر الدوام عسب اركب مع بنت اختي الباص و ادله بيتنا !!

عاد اليهال التمو علي .. خصوصا اني كنت اساعد المعلمه في ضبطهم.. قسمناهم ل مجموعات .. الدرس كان عان الاعمال اليدويه.. وكل بنيه مسويه Box و تقصه من الأطراف عسب تزينه بشريطه.. طبعا اعمارهم صغيره بين الصف الأول و الثاني.. ف كلهم تيمعو علي .. سويلنا و قصيلنا و الي تقول اربطي لي .. يالله حبيتهم ..

وقت توزيع أوراق الرحله المعلمه قالت بختار 40 طفله بس ما اقدر آخذ أكثر.. و اليهال حزنو.. بغيت ابكي والله .. يتطالعون بيأس.. و الي خايفه انها ما تسير.. في هاللحظه تذكرت لما ودو بنات صفنا رحلها كلهم و حرموني الله يغربل ابليسهم اوني اغيب .. انتو شعليكم ..

جان اقولها حرام.. شوفيهم كيف خاطرهم يسيرون.. جان تقول اوكيه بتسيرين ويانا ؟ و اشاركها المسؤوليه .. عاد هنيه استانست.. اساسا حبوبين و شياطين .. و حبيتهم اكثر لما يزقروني أبله... و في الفسحه الكل متيمع علي.. حسسوني انه VIP LoooL .. و كل شوي يسألون .. انتي أبله لوول.. و استانسو لما درو اني بسير وياهم الرحله .. اقولكم تراني VIP بس محد مقدرني لوول..

بس بصراحه هاليهال غير شكل.. اشكال و اصناف .. الرقيقه و الملتزمه و صاحبه البرستيج و الزعيمه و الخقاقه .. لوول .. براويكم الصور :


بطلعة الروح قدرنا نقعدهم مجموعات !!


هاي الي عطرف اليسار خقاقه.. اونها تطالع البنات الي كنت اساعدهم و تقول .. سهل ما يباله مساعده و اخرتها انا الي ساعدتها لوول


قبل لا يطلعون عالباصات.. وعلى الطاوله الأشياء الي مسونها ماشاء الله عليهم ..

باجر راح اصورهم عدل في الرحله.. و براويكم :D

GraduaTeD (^_^)

مرت الأيام.. و السنين .. و يا اليوم الي ودعنا في أجمل مرحله.. المرحله الجامعيه.. يا الله كيف انقضت الأيام بسرعه.. ما بقول ما حسينا فيها.. تخصصنا خلانا نحس و نص..


أذكر أول يوم ييت فيه الكليه.. اول سنه .. كاني اول مره اشوف الدنيا .. يالله كيف جذيه.. اشوف البنات و احس اني غير عن كل الموجودين .. الين ما إتأقلمت مع الجو و تعرفت على الى ربيعاتي و أطيبهم في الفاونديشن..


عاد الفاونديشن كان صدق غير.. كنا شله وحده.. و ما نخلي مناسبه ما نحتفل بها .. و لازم نطقم بين فتره وفتره.. يا كل الكلاس وردي.. يا كل الكلاس أحمر لوول على الفالنتين .. طبعا ها قبل 4 سنين احين عقلنا..


السنه الي عقبها تفرقنا و الي تخصصت IT والي تخصصت Business والي تخصصت تدريس.. في هالفتره تعرفت على عيون و طرفشانه و نونه و مسو .. ووايد طبعا بس ما عندهم نكات .. مواقف وااايد مرت علي ما اقدر انساها معاهم..


أحلى المواقف اذكرها مع مدرسنا الهندي.. هالمدرس الله لا يبلي احد به.. متعب نفسيا .. و مسمينه الجذاب العود.. هذا يشرح شي و في الكتاب شي ثاني.. و يسأل شي و ما يعرف شو يبي .. لوع بجبدنا لوعه .. تعبنا تعب .. سؤال جوابه في الكتاب 3 اسطر نكتب له معلّقه .. شعاره في الحياه .. اكتب اكثر..تاخذ درجات اكثر.. لوول


أما الاردني .. ما ابي اذكر له اي موقف.. مو لشي ما ابي يوم القيامه ياخذ شي من حسناتي لوول.. ابي انا الي آخذ منه على البلاوي الي سواها فينا .. الله يخس ابليسه و يهديه.. و المشكله مسوي روحه عندنا مطوع و داعيه .. ليته يدعي لنفسه..


الزبده.. ذكريات حلوه.. مرحله حلوه.. استمعت فيها .. تعلمت فيها الكثير.. و الياي أجمل و أشرق .. و راح أستفيد من كل الي تعلمته و ارد الدين لدولتي الحبيبه ...


في الختام: هذا مشروع تخرجي الي حاب يشوفه

Click Here

فاصل رومي و نواصل..

بالرغم انه مزاجي اليوم رايق للكتابه عن حفلة الوداع الي سويناها في الكليه و الذكريات الا انه مريم الرومي لازم تخرب المود .. والله انا ما ادري شو مشكلة هالوزيره شو تبي توصل له بالضبط !! لو بنقول مني و الدرب صارت وزيره بنقول مستانسه تبي تشتهر .. كم سنه كانت وكيله و حياتها مليئه بالانجازات

ما علينا .. الي يبي يضحك.. يسمع السالفه.. قالت بنزل المنحه ل 60 الف درهم.. اليوم الثاني رد عليها الشيخ الله يطول

بعمره انه مايمشي هالكلام .. المنحه تظل مثل ما هي..ردت تقول الي ما استلم المنحه في هال3 مادري 4ايام .. سمعو التهديد.. الي ما استلم المنحه راحت عليه..

اما السبب صراحه تحفه.. اونه الي مايا يبي يستخبي عشان الناس ما تشوفه وهو ياخذ منحة الصندوق لأنه مب محتاج..يا سلام.. خطيره والله .. انا قمت اشك انه كونان يصير لها !!على العموم باجر بيزل قرار و بكنسل كلامها.. عسب مره ثانيه تشاور وعقب تأمر..و بما أننا بطاله و تخرجنا وماشي شغل.. بنسوي مظاهره شرات اخوانا الكويتيين نبيها وحده ..طبعا وزيره وحده وهي بنت القاسمي ..

:pو سلملم

Deep Sadness .. :x

No More :'(

ما بقى الا القليل

عقب باجر التسليم..

التقييــم ..

كل شي بيتحدد عقب باجر ..

يا احقق حلمي و اكون اسعد انسانه في هاللحظه..

او اصبر و احتسب اجري عند الله :x

يالله بس مدرسنا يكون رايق .. و نفتك..

نتخرج يا سلام.. بعد هالمعاناه بنتخرج ..

ادري بشتاق لهالايام ..

هالسنين الي قضيتها في الكليه اكثر حتى من بيتي ..

بشتاقلها و بشتاق لاغلى ربيعات..

عنون و مسو و مريوم و سانو و حنو و صفصف و فري .. كل بنيه بشتاق لها..

ايام تعلمت فيها الكثيــر ..

و اتعرف على اغلى الناس..

يالله لا تحرمنا من بعض و يارب دوم نكون على اتصال..

برزنتيشن مشروع التخرج الأربع.. دعواتكم :)