Saturday, August 19, 2006

الدنيا حلوه .. وياك ..

أعدك .. أن أبقى معك دائما..ا ..

أمد الله في عمرك و أعطاك الصحة و العافيه ..

Inspired..

14-08-06

Tuesday, August 15, 2006

قيمــة ال خمس !




في صباح احد الأيام .. اعطاني ابي مصروفي اليومي .. و قيمة البترول.. وفي تلك الفتره كانت اختي الكبرى التي تدرس في الجامعه
المجاوره لكليتنا تذهب معي.. المهم .. طلبت اختي مبلغ اكثر.. ولم يعطها ابي فقلت لها بعطيج انا ..

المهم مر اليوم .. اعطيت اختي قيمة البترول .. وذهبت للكليه و اشتريت و خلصت مصروفي .. وراح عن بالي البترول.. مريت على اختي و طلعنا ولا اشوف علامة البترول تلق .. ويه شو نسوي .. اقولها عندج شي تقولي لا ! ويه.. و ندور في السياره درهم درهم .. مني مناك ماشي ولا حتى خمس !

ردينا البيت ونحن صاكين المكيف و منزلين جزء من الدريشه ونمشي على 20 .. وطول الدرب اتهزأ من اختي .. مسويه روحي كريمه وانا ما عندي :p

---

موقف ثاني.. كنا في كانتين الكليه .. و اشوف مدرس اجنبي اخذ ساندوتشتين توست وسأل الي تبيه عن السعر جان تقوله 4 ..

سار و رجع وحده ! هذا وهو مدرس راتبه ما يقل عن ال 20000 الف ! حسب حساب هالاربع دراهم!

---

راعي الجرايد .. دوم لما اشتري من عندها و اعطيه مثلا
او 10 يتم ساعه يدور الخرده و اقولها برايك .. الين ما لاحظت انه الاخ متعمد ! احين اتم على راسه لين ما يطله الباقي ولو كان درهم !

----

مواقف ما بغيت اتذكرها الا الفير وانا مسطله فيني رقادد .. بس سبحان الله ليش نحن ما نهتم بهالمبالغ الصغيره و نفرها على اي شي .. و وقت الحاجه نحس بقيمة هالدرهم و الدرهمين !

Sunday, August 13, 2006

بداية الجــد ..

عدت بعد انقطع شهر تقريبا عن مدونتي .. اشتقت لها .. و لتعليقاتكم ..

--

مر الصيف سريعا .. صيف مليئ بالاحداث الساخنه على الصعيد العالمي و العربي و الشخصي :p
أشياء كثيره تغيرت في حياتي.. واتمنى من الله ان تكون خير لي ..

--

في بداية الشهر القادم سابدأ حياتي العمليه .. سأعمل في شركة من نظر الكثير لها مستقبل جيد .. و أراهم متمسكين بي.. لاكن لا اجد في نفسي ذلك الحماس بالرغم من استعدادهم لتوفير proffesional certificate كال MCP وغيرها ..

--

لا أدري مالذي يجعلني بارده .. فبعد طموحي الا محدود اجدني أرغب في عمل ينتهي دوامه الساعه 2 و انساه .. لا اريد الدراسه و لا التعب ... ربما خمول الصيف و ربما هي الواقعيه !

--

الواقعيه بأني فتاه .. فتاه تحب التجمعات العائليه ... أحب لحظة الاجتماع للغداء مع الاهل و العصريه ! فاذا كنت ساعمل و في نفس الوقت ادرس .. راح عمري كله :x

--

Finally, is this the way InspireD Mind thinks.. who believes that the future belongs to her !