صباح الخيــر .. اليوم الجو عجيب .. ويايني إلهام التفلسف من الصبح.. حقيقه استغرب من تفكير بعض البنات الله يهداهم.. وباجر يزعلون لما يعنسون الي بغيت اعرفه .. شو هو المهر بالنسبه لج ؟ هل هو قمتج.. هل انتي سلعه تنشرى كل ما كنتي افضل كلما زاد مهرج !!
ف نظري المهر هو اكرام للمرأه وليس قيــمه .. و كل ما قل كل مازادت بركة العرس.. بس وين الي يفهم :\ و وحليله الريال يسير و ياخذ السلفيه و يحط على راسه ديون مالها اول ولا تالي.. بعد عيب يرد بكلمته ..خلنا نشوف شو راح تسوي البنيه بالمهر ؟
اول شي .. فستان الملجه .. لازم مصمم .. احين الأجار صار ب 5000 درهم .. ليوم واحد :\ و غير التصوير و غير الحفله و غير فستان العرس و الاكسسوار و الماركات.. وراعية الصالون لازم اتي البيت.. لين احيــن و هي عايشه الدور انها أميرة زمانها .. طبعا كل ها لعب بالمهر الي كسرو به ظهر المعرس المسكين..
شو راح يصير بعد عرسها ؟ راح ترد لحياتها الأقل من الطبيعيه .. لأنها راح تعيش في ظل ريلها المديون و مابتقدر ترمس لأنها هي سبب الفقر الي عايشينه.. فلا مديح فلانه و علانه ( و اضيف فلتانه عشان عيون الحب لول) راح يفيد ..
ف نظري المهر هو اكرام للمرأه وليس قيــمه .. و كل ما قل كل مازادت بركة العرس.. بس وين الي يفهم :\ و وحليله الريال يسير و ياخذ السلفيه و يحط على راسه ديون مالها اول ولا تالي.. بعد عيب يرد بكلمته ..خلنا نشوف شو راح تسوي البنيه بالمهر ؟
اول شي .. فستان الملجه .. لازم مصمم .. احين الأجار صار ب 5000 درهم .. ليوم واحد :\ و غير التصوير و غير الحفله و غير فستان العرس و الاكسسوار و الماركات.. وراعية الصالون لازم اتي البيت.. لين احيــن و هي عايشه الدور انها أميرة زمانها .. طبعا كل ها لعب بالمهر الي كسرو به ظهر المعرس المسكين..
شو راح يصير بعد عرسها ؟ راح ترد لحياتها الأقل من الطبيعيه .. لأنها راح تعيش في ظل ريلها المديون و مابتقدر ترمس لأنها هي سبب الفقر الي عايشينه.. فلا مديح فلانه و علانه ( و اضيف فلتانه عشان عيون الحب لول) راح يفيد ..
خلونا نعرف .. شو المهر في نظركم؟
3 comments:
السلام عليكم .. حددده كلامج مهم .. احم احم انا بقولج رايي بالموضوع مع العلم اني توني متزوجة و عرفت شنو المهر ... اولا .. ابوي و امي موة نوعهم يشرطون المهر و يحددون سعره .. أهم شي أخلاق الرجل و دينه و التزامه .. انا استغرب من اللي يشرطون قيمة المهر كذا .. و نبي كذا و كذا ..؟؟ ترى هالشي قاعد يخلي الرياييل يتزوجون من من البلد .. بس عشان أرخص ..؟؟ و لا ننسى ان الرسول صلى الله عليه و سلم قال ان اقلهن مهرا اكثرهن بركة .. سبحان الله ..
:)
شكرا لج ..
:D
انسبايرد ..
نحن وحليلنا مهرنا محدد ما يتغير :(
يعني ما نقدر نقول شي .. بس شو ما دفع المعرس الا ما يدفعون اهل العروس ..
فليش نكلف عالنعرس وعقب نعيش في ضيقة مالية !! من البداية نتكاتف ونرتاح ..
الا العرس يوم واحد وانتي طول عمرج بتعيشين معاه .. يعني تغتنين في يوم واحد وتعيشين شهور عالحديدة؟؟
حلو الواحد يكشخ ويكون على مستوى بس على قده ..
قال الله تعالى " لايكلف الله نفسا الا وسعها"
==
احلى شي يوم كتبتي فلتانة كيكيكي ;)
حبيبتي همم .. ماشاء الله عليج . يعجبني تفكريج .. الله يبارك لكم و يجمع بينكم بالخير.. :)
على عيـون .. بس عاد مو تزيدون عشان غلاء الأسعار .. خلكم ثابتين :p
صدقتي .. حلو الواحد يكشخ ويترتب على مستواه بدون تبذيـر :)
تسعدني ردودكم في مدونتي :)
Post a Comment