في صباح احد الأيام .. اعطاني ابي مصروفي اليومي .. و قيمة البترول.. وفي تلك الفتره كانت اختي الكبرى التي تدرس في الجامعه
المجاوره لكليتنا تذهب معي.. المهم .. طلبت اختي مبلغ اكثر.. ولم يعطها ابي فقلت لها بعطيج انا ..
المهم مر اليوم .. اعطيت اختي قيمة البترول .. وذهبت للكليه و اشتريت و خلصت مصروفي .. وراح عن بالي البترول.. مريت على اختي و طلعنا ولا اشوف علامة البترول تلق .. ويه شو نسوي .. اقولها عندج شي تقولي لا ! ويه.. و ندور في السياره درهم درهم .. مني مناك ماشي ولا حتى خمس !
ردينا البيت ونحن صاكين المكيف و منزلين جزء من الدريشه ونمشي على 20 .. وطول الدرب اتهزأ من اختي .. مسويه روحي كريمه وانا ما عندي :p
---
موقف ثاني.. كنا في كانتين الكليه .. و اشوف مدرس اجنبي اخذ ساندوتشتين توست وسأل الي تبيه عن السعر جان تقوله 4 ..
سار و رجع وحده ! هذا وهو مدرس راتبه ما يقل عن ال 20000 الف ! حسب حساب هالاربع دراهم!
---
راعي الجرايد .. دوم لما اشتري من عندها و اعطيه مثلا
او 10 يتم ساعه يدور الخرده و اقولها برايك .. الين ما لاحظت انه الاخ متعمد ! احين اتم على راسه لين ما يطله الباقي ولو كان درهم !
----
مواقف ما بغيت اتذكرها الا الفير وانا مسطله فيني رقادد .. بس سبحان الله ليش نحن ما نهتم بهالمبالغ الصغيره و نفرها على اي شي .. و وقت الحاجه نحس بقيمة هالدرهم و الدرهمين !
2 comments:
انوس ما ادراك ما الخردة ( coins) قبل كنت ما اركز فيها وايد الي يزد احطه في الحصالة لين في يوم قلت خل افتحها و اشوف اشكثر فيها
تدرين جم طلع
عشر دنانير و سبعيمة و خمسين فلس !!!
الحين في جنطتي لازم بوك خاص بالخردة حتى ساعات احط فيه ربع دينار ( الورق ) ولا اخش في ميدالية سيارتي دينار ولا دينارين للطوارئ
و بالنسبة للبنزين اشتري بطاقة خاصة اول الشهر ب 30 دينار او حسب الي احصله من المحل تفيد في الاوقات الحرجة =)
و لما تبدين الشغل ان شاء الله بتعرفين اشلون تحسبينها صح و تبقي ست ناصحة و تعملي جمعية ( بعدين اقولج عنها )
مونه .. احسن انزين عسب تعطيج ورقة خمس ولا عشر .. مب خرده.. :)
---
175 درهم .. يا سلام حلو والله .. ! صدقج .. بس ما ادري ليش ما اشتري .. ان شاء الله اذا اشتغلت راح آخذلي وحده ..
ههه حتى في الكويت عندكم جمعيات !
Post a Comment