::
::
كلمتان اعتدت على قولهما لخادماتنا قبل خروجي من المنزل " تبون شي ؟".. وكانت دائما ترسم البسمه على وجوههم.. فقد لا تكون طلباتهم مكلفه .. مره "دوف" و مره "فايزلين" لا انكر بان مرات كثيره انسى و لا اشتري لهم ما طلبوه.. ولاكن اعتدت على قول ذلك..
::
::
::
قبل دقائق أتت الخادمه لتستأذن للخروج مع ابنتها للسوق.. و قبل ان تذهب سألتني باللغة العربية المكسره.. "يريد شي من سوق " .. ابتسمت..وتذكرت قوله سبحانه"هَلْ جَزَاء الْإِحْسَانِ إِلَّا الْإِحْسَانُ " ..!
::
::
::
همســه: كثيرون هم المستضعفون كما اسميهم .. كبائعي الصحف و العاملين في المطاعم و غيرهم مِن مَن يتعالى عليهم البعض ! .. نسو ان الاسلام دين معامله و ليس أداء صلوات و صيام فقط..! فلنحسسهم باننا نقدر جهودهم ليس بدفع المقابل فقط بل بالوجه البشوش..
::
::
::
8 comments:
السلام عليكم,
بعض الخدم أختي العزيزه فيهم "وفاء" للناس اللي تشتغل عندهم, ولكن حوادث الخدم هي اللي خربت على الفئة الزينه
ذكرتيني ببشكار العائلة "نور" الله يرحم أيامه, كان من أوفى البشاكير اللي اشتغل عندنا ولأكثر من 10 سنوات
بالفعل هنالك ناس طيبين من جنسيات كثيره, ولكن سوء سلوك بعض الخدم من بني جلدتهم اللي خرب على هالفئه الزينه في كل مكان
سهيل
اي والله انتي ذكرتيني في كلام الرسول عليه الصلاه و السلام ارحموا من في الارض يرحمكم من في السماء
في خدم اذا عاملتيهم زين مع الايام يتمادون ..
الحين خدامتنا اول ما يت تنظف عدل و تشتغل من نفسها ..
الحين مالها خلق شي .. اناديها و ما ترد علينا ..
في بعض الخدم مهما كان ما ينعطون ويه ..
بس في بعضهم حليوين و تحسينهم جزء من العايله =)
و هالشي مو شرط نستخدمه مع الخدم .. حتى مع اهلنا و ربعنا
لانه هذا لازم يكون تعاملنا مع الكل ..
و الاسلام اخلاق ليس فقط عبادات =)
شكرا لج =)
صح كلامج .. يا يبون دوف او فازلين او فير اند لفلي
;P
أكيد الدين معاملة ..
:)
الخدم ناس حالهم حالنا عندهم مشاعر و احاسيس لازم ما نحملهم فوق طاقتهم و نعاملهم معامل حسنة
:)
شكرا لج ..
هيه والله شعور حلو لما تعاملين الخدم وكأنهم جزء لا يتجزأ من العيلة ..
انا الحمدلله اسألهم اذا يبون .. ومتعودة اذا شريت شي غالبا ما اشتريلهم معاي ..
واعاملهم كربع لي .. ألعب معاهم واستهبل واتناقر وكل شي ..
صدق المساواة احساس حلو :)
سلمت يداك على هالطرح الراقي (F)
سهيــل: صدقت .. بعض الخدم يصيرون جزء من العايله و ما نقدر على فراقهم .. و منهم بشكارتنا مينا 10 سنين عندنا و اتخيل البيت بدونها !
محاميتنا: حياج الله . اسعدني وجودج :)
قياديه: المعامله الزينه مهمه وايد حتى لو مانحب هالخدامه ما تعرفين باجر تنتقم او شي :\ .. وصح بعض الخدم ما يستاهلون.. بس إحترامهم شي أساسي.. اما الاشياء الثانيه تيي بالحب .. اذا حبيناها نهتم فيها :)
استانس بوجودج :)
همــم: ياختي البعض يتحرى انه اشترى الخادم لما يابه و يهلكه ! بس الخيــر موجود واتوقع هالصنف اقليه..
عيون : ادريبج مو لشي بس لأنه طباخها يجنن :p
Super color scheme, I like it! Keep up the good work. Thanks for sharing this wonderful site with us.
»
Hey what a great site keep up the work its excellent.
»
Post a Comment