أمس سيارتي خانتني .. خلتني وسارت دبي و طبعا ما ادري, طرشت مسج لعيون الحب الصبح اقولها اونه بنطلع من وقت عسب تساعدني في البروجكت .. المهم سرت الصاله ومالقيت المفتاح فوق الطاوله.. جان احس انه السياره مب موجوده.. ترن ترن .. الو ابوي انا كيف اسير الكليه ليش اخذتو السياره .. الجواب مادري دبري نفسج :( المهم اتصلت بعيون و قالت هي بتدبر احد يوصلنا ..
::
::
وصلنا الكليه و خلصنا شغلنا و يالله احين منو بيردنا , اختي انقذتنا الحمدلله وقالت لتمر علينا.. احين بتييكم قصة صديقنا لوول صبرو.. الكليه فيها بابين .. باب لسيارات الطالبات و باب آخر الدنيا للي ما يسوقن .. المهم الي ماعندها سياره ممنوع تطلع من باب السيارات.. و نحن متعايزين نمشي للباب الثاني.. قلنا عادي السكيوريتي(حارس الأمن) صديقنا اونه بيمشينا عادي..عكيفنا..قلت لاختي من توصلين قريب دقي دقه عسب بسرعه نطلع من الباب و ماينتبهون ..
::
::
ولا الحبيب واقفلنا بالمرصاد ماطاع يخلينا نطلع.. يافلان آخر مره .. خلاص بس اليوم .. و جذب دومنا نقول آخر مره و نرد نطلع .. المهم شويه ولا تيي سياره تنزل بنيه من هالباب ولا كأنه ممنوع و لا شي .. طبعا البنيه عندها واسطه , آخ يالقهر حتى في الباركنات و ابواب الكليه واسطه.. عاد جان اقوله .. هااااااااا ليش هالبنت عادي جان يهزأني :x
::
::
وحليله صديقنا هزئني و زعل.. قال شو انتِ مسؤولتي عشان تحققين معاي .. كل ها فعز الظهر ومو مخلينا نطلع .. جان اتدارك الأمر و في ثواني انجلب 180 درجه.. أنا آسفه ما اقصد بس طلعنا :( جان يهز براسه و هو فخاطره كارهنا :(
::
::
المهم شو الزبده ... درس اتعلمته في التدريب العملي قبل التخرج
Be Diplomatic - خلك دبلوماسي وراح تحصل الي تبيه
::
::
و سلامتكم :p
::
و سلامتكم :p
6 comments:
ههههههههه انسبايرد ..
جان بعد قلتي اني ساعدتج في البروجكت لوووووول ..
ما تم شي ما قلتيه ..
بس صدق كسر خاطري الصديق الصدوق .. طلع طيب في النهاية مع انه حس بالاهانة لما قلتيله اااااااه وهذيك لووووووول ..
حلوة القصة والدرس ..
بجرب اطبقها يعطيج العافية :)
طبقيه والله و بتشوفين النتايج..
لما سرت المستشفى امس , وصلنا قبل موعد الزياره بربع ساعه و السكيورتي مايبي يدخلنا.. و الي عندي احتشرو وين المسؤول شو ها باقي ربع ساعه مافيها شي.. جان اكلمه لوول جزاك الله خير و بارك الله و جزاك الله خير وبارك الله فيك مافينا نوقف ربع ساعه مني مناك جان يقول ادخلو :p
جربي و هتشوفي الفرء (الفرء=الفرق بالمصري :p (
هلا تفضلت فقرأت آخر ما كتبت بعنوان صلاحية و مسؤولية... زين مو أنا اللي أعاني بس , على فكرة الموقف المذكور في المقال صار لي في فترة عملي في أبو ظبي
رائد ..قرأته.. وصدقت في بعضهم يتعنترون على الي يطيح بإيدهم..
لا تحرمنا من مرورك :-)
Very pretty site! Keep working. thnx!
»
What a great site, how do you build such a cool site, its excellent.
»
Post a Comment