بالرغم انه مزاجي اليوم رايق للكتابه عن حفلة الوداع الي سويناها في الكليه و الذكريات الا انه مريم الرومي لازم تخرب المود .. والله انا ما ادري شو مشكلة هالوزيره شو تبي توصل له بالضبط !! لو بنقول مني و الدرب صارت وزيره بنقول مستانسه تبي تشتهر .. كم سنه كانت وكيله و حياتها مليئه بالانجازات
ما علينا .. الي يبي يضحك.. يسمع السالفه.. قالت بنزل المنحه ل 60 الف درهم.. اليوم الثاني رد عليها الشيخ الله يطول
بعمره انه مايمشي هالكلام .. المنحه تظل مثل ما هي..ردت تقول الي ما استلم المنحه في هال3 مادري 4ايام .. سمعو التهديد.. الي ما استلم المنحه راحت عليه..
اما السبب صراحه تحفه.. اونه الي مايا يبي يستخبي عشان الناس ما تشوفه وهو ياخذ منحة الصندوق لأنه مب محتاج..يا سلام.. خطيره والله .. انا قمت اشك انه كونان يصير لها !!على العموم باجر بيزل قرار و بكنسل كلامها.. عسب مره ثانيه تشاور وعقب تأمر..و بما أننا بطاله و تخرجنا وماشي شغل.. بنسوي مظاهره شرات اخوانا الكويتيين نبيها وحده ..طبعا وزيره وحده وهي بنت القاسمي ..
:pو سلملم
6 comments:
الشيوخ ما بيقصرون ان شاء الله ..
والله يهداها تاخذ قرارات بدون ما تشاور :|
المهم انتي لا تكدرين خاطرج وافرحي بتخرجج حبيبتي ..
هذا بسيط
الوزيرة حاطة دوبها و دوب المطلقات
قبل شالت مستحقات أبناء المطلقات من المساعدة الإجتماعية
بعدها حرمت المطلقات من نصيب الاكتتاب في أسهم أركان
ألحين وحدة مطلقة عمرها أربعين أو أكثر ما عندها إللي يعيلها و ين تبونها تعيش؟
عيون الحب.. الله يهديها و نشوفها مكان ثاني غير هالمكان ..!
---
بن علي.. الظاهر يايبينها بالعمد عسب التوفير !!
والله فرق بينها و بين لبنى.. كل شوي طالعه فالجريده بقرار.. غصب الا شوفوني انا وزيره !!
ليش ساكتين عليها ما ادري!
أمس أسمع بو راشد في الإذاعة
يقول كان في ميلس الشيخ محمد بن راشد
و يقول أنه الشيخ سأل وزير التربية كم ميزانية التربية ، رد عليه قال ثسع مليارات تقريبا
رد عليه و قال تصرف المبلغ كله لا توفر ، و إذا في نقص بعدين نحن بنسد العجز
الدولة فيها خير
إذا رئيس الوزراء يقول جذي و يأمر بالصرف
ألحين نحن بنترياها شهر ، قالت بتوقف استقبال طلبات منح الزواج لين ما يتربون شؤونهم الداخلية
عقب بنسمع شو بتقول ، و لكل حادث حديث
إذا فيه مضره نحن ما بنسكت و الناس ما بتسكت
سمعت في الاذاعه يقولون نستقبل طلبات الاشخاص الي بيعرسون في هالسنه فقط.. عسب الاوليه تكون بتاريخ الزواج مب بالتقديم .. اذا جذيه الفكره وايد زينه..
حياك الله بن علي..
Very nice site! » »
Post a Comment